Itabi ry’ikigoma umwihariko wa La Casa del Habano ryabaye nk’ikigirwamana muri Cuba.

Hotel, Resto-Bar

Umwe muri ba nyir’amaduka ya La Casa del Habano witwa  Reynaldo Gonzalez avuga ko kunywa itabi ry’ibigoma ari ukwiyegereza Imana, ngo bikaba ari na byo bituma iri tabi rihora rihabwa umugisha rikarushaho kumenywa no gukundwa ku isi yose. Uyu mugabo yemeza kandi ko ikigoma ari umuco w’umuturage waCubauwo ari we wese wiyubashye. Iduka rye rifatwa nka hamwe mu hantu haryoshya ikigoma cyane dore ko ba mukerarugendo baba bacicikana baje gutumura ku iryo tabi ry’agaciro. Riherereye ahitwa Old Havana.

Umuntu utanywa ikigoma ngo aba ari umunyabyago

Abakunzi b’iri tabi badatinya kuvuga ko Imana ibaheramo ingabire bavuga ko kunywa ibigoma ari kimwe mu bintu bishimisha kuri iyi si. Gusa ngo bumva bagiriye impuhwe umuntu wese udashobora kubona ikigoma. Kubera ko ibigoma bihenda ugereranyije n’andi matabi asanzwe nk’amasegereti, hari benshi batabona ubushobozi bwo kuryigondera. Abanywa ikigomba kandi bavuga ko ikindi cyiza cy’akarusho ngo nta burozi bwa nicotine rigira nk’uko buboneka mu masegereti asanzwe, bityo ngo biteye impuhwe kubona hari abiyahuza itabi ribi rishobora kwangiza ubuzima bwabo, ntibabone ikigoma kandi byose babitewe n’ubukene.

President John Kennedy yemeraga ikigoma cyane

Mu mwaka wa 1961, ubwo inyeshyamba z’abanyacuba zari  zishyigikiwe na Leta Zunze Ubumwe z’Amerika zashakaga gukuraho ubutegetsi bwa Fidel Castro zatsindwaga ruhenu, ubwo igitero cyiswe Bay of Pigs cyangwa Baie de Cochons cyapfubaga, uwari President wa Leta Zunze Ubumwe z’Amerika John Kennedy yahise aca iteka ryamagana icyitwa igicuruzwa icyo ari cyo cyose giturutse muri Cuba, ariko abanza gutumizayo ibigoma 1,200 kugira ngo abihunike azabone ibyo azaba anywa mu minsi yagombaga gukurikira iteka yari amaze gusinya.

Ibigoma byo muri Cuba bimaze kubaka izina ku isi yose, ndetse hari benshi muri ba mukerarugendo bahorana amatsiko yo kujya gusura iki gihugu bagamije kujya gutemberera ubwo butaka bukomokaho iri tabi ridasanzwe, nk’uko abakristu bifuza gusura umurwa mutagatifu wa Yeruzalemu, n’Abayisiramu bagahora barota kuzagenderera nibura umunsi umwe umugi wa Maka.

Mukerarugendo

 

Leave a Reply

Your email address will not be published. Required fields are marked *